Breaking

Tuesday, June 2, 2020

June 02, 2020

இலங்கையில் கொரோனா தொற்று எண்ணிக்கை மேலும் உயர்வு.




கொரோனா வைரஸ் தொற்று உறுதியான மேலும் இரண்டு தொற்றாளர்கள்  அடையாளம் காணப்பட்டனர்,இதற்கமைவாக மொத்த நோயாளிகளின் எண்ணிக்கை 1,645ஆக உயர்வு.

June 02, 2020

இலங்கையர்களுக்கான பொதுத்தேர்தல் தொடர்பிலான செய்தி சற்று முன்னர் வெளியானது.




இலங்கையர்கள் எதிர்பார்த்திருந்த முக்கிய வழக்கின் தீர்ப்பு சற்று முன்னர் வெளியானது!

  பொதுத்தேர்தல் தொடர்பில் இலங்கையில் உயர்நீதிமன்றத்தில் தாக்கல்செய்யப்பட்ட அடிப்படை உரிமை மனுக்களை விசாரணைக்கு எடுத்துக்கொள்ளாமல் தள்ளுபடி செய்வதற்கு உயர்நீதிமன்றம் தீர்மானித்துள்ளது. 

தேர்தலை நடத்துவது தொடர்பில் ஜுன் 20 ஆம் திகதி தேர்தல் ஆணைக்குழுவின் தலைவர் வெளியிட்ட வர்த்தமானி அறிவித்தல் மற்றும் பாராளுமன்றத்தை கலைக்கும் வகையில் ஜனாதிபதி கோட்டாபய ராஜபக்ச மார்ச் 2 ஆம் திகதி விடுத்த வர்த்தமானி அறிவித்தல் ஆகியவற்றை செல்லுபடியற்றதாக்குமாறு உயர்நீதிமன்றத்தில் தாக்கல் செய்யப்பட்டுள்ள மனுக்கள்மீதான பரிசீலனை இன்று (02) 11 ஆவது நாளாக நடைபெற்றது.

 பிரதமர் நீதியரசர் ஜயந்த ஜயசூரிய தலைமையிலான ஐவரடங்கிய நீதியரசர்கள் குழாம் முன்னிலையில் மனுக்கள் பரீசிலனைக்கு எடுத்துக்கொள்ளப்பட்டன. இவற்றை விசாரணைக்கு எடுத்துக்கொள்வதா, இல்லையா என்பது தொடர்பில் இன்று தீர்ப்பு வழங்கப்படும் என நேற்று அறிவிக்கப்பட்டிருந்த நிலையில் இதற்கமைவாகவே இன்று உயர்நீதிமன்றத்தின் தீர்ப்பு வெளியிடப்பட்டது.

Sunday, May 31, 2020

May 31, 2020

மேலும் 20 பேர் குணமடைவு; குணமடைந்தோர் எண்ணிக்கை 801 ஆக உயர்வு!


இலங்கையில் கொரோனா வைரஸ் தொற்றுக்குள்ளானோர் 1620 அதிகரித்துள்ளது.

நேற்றைய தினம் மாத்திரம் இலங்கையில் 62 பேருக்கு கொவிட்-19 வைரஸ் தொற்று உறுதிபடுத்தப்பட்டது. இவர்களில் 25 பேர் கடற்படையினர், 26 பேர் கட்டாரில் இருந்து வந்தவர்கள், 08 பேர்  குவைத்தில் இருந்து வந்தவர்கள்,  03 பேர்  மாலைதீவில் இருந்து வந்தவர்கள்.

கொரோனா வைரஸ் தொற்று உறுதியானவர்களில் மேலும் 20 பேர் பூரண சுகம்பெற்றனர், இதனடிப்படையில் குணமடைந்தோரின் மொத்த எண்ணிக்கை 801 ஆக அதிகரித்துள்ளது.

அத்துடன் கொரோனா தொற்று உறுதிப்படுத்தப்பட்டுள்ள 809 பேர் வைத்தியசாலைகளில் தங்கி சிகிச்சைபெற்று வருகின்றனர்.

அத்தோடு, கொரோனா தொற்றுக்கு இலக்காகி இலங்கையில் 10 பேர் உயிரிழந்துள்ளமை குறிப்பிடத்தக்கது.




May 31, 2020

யாழ். மாவட்டத்தில் டெங்கு நோயின் தாக்கம் அதிகரிக்ககூடிய சாத்தியம்!


யாழ் மாவட்டத்தில் இந்த வருடம் இன்று வரை 2195 பேர் டெங்கு நோயினால் பாதிக்கப்பட்டுள்ளனர்.

எனவே மக்கள் தமது சுற்றாடலை சுத்தமாக வைத்திருக்காவிட்டால் டெங்கு நோயிலிருந்து தம்மை பாதுகாத்துக் கொள்ள முடியாது என யாழ்ப்பாண போதனா வைத்தியசாலை பொது வைத்திய நிபுணர்.தம்பிப்பிள்ளை பேரானந்தராஜா தெரிவித்துள்ளார் .

யாழ். மாவட்டத்தில் டெங்கு தாக்கம் தொடர்பில் கருத்து தெரிவித்த வைத்திய நிபுணர், தற்போது டெங்கு நோயின் தாக்கம் அதிகரிக்ககூடிய சாத்திய கூறுகள் காணப்படுகின்றன எனவே டெங்கு நோயிலிருந்து மக்களைப் பாதுகாப்பதற்கான முயற்சியில் சுகாதாரப் பிரிவினர் ஈடுபட்டுள்ள நிலையில் யாழ். மாவட்ட அரசாங்க அதிபரினால் எதிர்வரும் மாதம் முதல் வாரம் டெங்கு விழிப்புணர்வு வாரமாக அறிவித்துள்ளார் என்றும் தெரிவித்தார்.

டெங்கு நோய் கடந்த 20 வருடமாகஸ்ரீலங்காவின் பல பகுதிகளிலும் பல மக்களை தாக்கி வரும் நோய் குறிப்பாக 15 தொடக்கம் 30 வயதுக்கு இடைப்பட்டவர்களையும் சிறுவர்களையும் இந்த நோய் தாக்கிவருகிறது. இது நுளம்பினால் பரப்பப்படும் ஒரு நோயாகும்.

இந்த நோயினால் கடந்த வருடம் ஸ்ரீலங்காவில் ஒரு லட்சத்துக்கு அதிகமான மக்கள் பாதிக்கப்பட்டனர். அதில் யாழ். மாவட்டத்தை பொறுத்தவரை கடந்த வருடம் 8000 பேர் இந்த டெங்கு நோயினால் பாதிக்கப்பட்டனர். 

அவர்களுக்குரிய சிகிச்சைகள் உரிய முறையில் வழங்கப்பட்டது எனினும்இ இந்த வருடம் மே மாதம் வரை 2195 பேர் டெங்கு நோயினால் பாதிக்கப்பட்டுள்ளார்கள் அவர்களுக்குரிய சிகிச்சைகள் யாழ் போதனாவைத்தியசாலை மற்றும் ஏனைய வைத்தியசாலைகளிலும் சிகிச்சை அளிக்கப்படுகிறது.

ஜனவரி பெப்ரவரி மாதங்களில் கூடுதலாக இந்த நோயின் தாக்கம் அதிகரித்து காணப்பட்டது ஏனெனில் அந்த காலப்பகுதியில் மழைவீழ்ச்சி அதிகம் காணப்பட்டமையினால் குறித்த தாக்கம் அதிகரித்து காணப்பட்டது.

அதேபோல் கடந்த மாதம் பெய்த மழையின் காரணமாக மீண்டும் டெங்கு நோயின் தாக்கம் அதிகரிக்க கூடிய சூழ்நிலை காணப்படுகின்றது குறிப்பாக யாழ்மாவட்டத்தில் கூடுதலாக சங்கானை உடும்பிராயு நீர்வேலி சுண்டுக்குளி போன்ற இடங்களில் இருந்து நோயாளர்கள் கூடுதலாக வருவதை அவதானிக்கக்கூடியதாகவுள்ளது .

இந்த நோய் நுளம்பினால் பரவுகின்ற ஒரு நோயாகும் எங்கேயாவது நல்ல நீர் தேங்கி நிற்கும் ஆனால் சிரட்டை அல்லது ஐஸ்கிரீம்கப், தகரப்பேணிகள், முதலானவற்றை கண்ட இடங்களில் எறியும் போது மழை பெய்யும்போது இதில் நீர் தேங்கி நின்று அந்த நீரில் நுளம்புகள் முட்டையிடும் அந்த முட்டை பொரித்து 5 தொடக்கம் 10 நாட்களுக்குள் அது நுளம்பாக மாற்றமடைந்து அந்த நுளம்பு முட்டையில் டெங்கு வைரஸ் இருக்கலாம் அந்து நுளம்பு இந்த வைரஸினை காவிக்கொண்டு மக்களை கடிப்பதன் மூலம் இந்த நோய் பரவுகின்றது.

இந்த நுளம்புகள் குறிப்பாக மாலை வேளைகளில் தான் அதிகமாக மக்களை தேடிச்சென்று கடிக்கின்றது எனவே மக்கள் வீடுகளில் இருக்கும் போது மாலை நேரங்களில் தமது அறையின் கதவுகளை தாழிட்டு இருப்பது மிகவும் சிறந்தது அல்லாவிட்டால் கொல்லி மருந்துகள் மற்றும் நுளம்புத்திரி போன்றவற்றினை கொளுத்தி வீடுகளில் வைப்பதன் மூலம் குறித்த நுளம்பு தாக்கத்தில் இருந்து பாதுகாத்துக் கொள்ள முடியும் என்றும் யாழ். போதனா மருத்துவனை பொது வைத்திய நிபுணர்.தம்பிப்பிள்ளை பேரானந்தராஜா மேலும் தெரிவித்தார்.

Tuesday, April 7, 2020

April 07, 2020

யாழில் 20 பேரின் கொரோனா பரிசோதனை முடிவுகள் வெளியாகின!


யாழ்ப்பாணத்தில் இன்று மேற்கொள்ளப்பட்ட கொரோனா தொற்று சந்தேக நபர்களுக்கான பரிசோதனை முடிவுகளின் அடிப்படையில் பதினெட்டுப் பேருக்கும் கொரோனா தொற்று இல்லை என்பது உறுதி செய்யப்பட்டுள்ளது.

யாழ்.போதனாவைத்தியாசாலையில் இருவருக்கும் கோப்பாய் பிரதேசத்தினைச் சேர்ந்தவர்கள் 20 பேருக்கும் குறித்த ஆய்வுகள் மேற்கொள்ளப்பட்டிருந்தன.

அவர்கள் ஒருவருக்கும் கொரோனாத் தொற்று இல்லை என்று யாழ்.போதனா வைத்தியசாலைப் பணிப்பாளர் த.சத்தியமூர்த்தி தெரிவித்துள்ளார்.

குறித்த தகவல்களை வடக்கு மாகாணச சுகாதார சேவைகள் பணிப்பாளர் ஆ.கேதீஸ்வரனும் உறுதிப்படுத்தியுள்ளார்.
April 07, 2020

பிரித்தானியாவில் கொவிட் - 19 வைரஸ் தொற்றுக்கு உள்ளாகி இலங்கையர்கள் இருவர் பலி!


பிரித்தானியாவில் வசித்து வரும் இரண்டு இலங்கையர்கள் கொவிட் - 19 வைரஸ் தொற்றுக்கு உள்ளாகி உயிரிழந்துள்ளதாக அந்நாட்டு ஊடகங்கள் தகவல் வெளியிட்டுள்ளன.

உயிரிந்த நபர்கள் 72 மற்றும் 62 வயதுடையவர்கள் என ஆரம்பகட்ட தகவல்கள் தெரிவிக்கின்றன.

இதேவேளை, தற்போது வரை வெளிநாடுகளில் இலங்கையர்கள் அடுத்தடுத்து உயிரிழந்துள்ளமை தொடர்பில் தகவல்கள் வெளியாகியிருந்தன.

முன்னதாக அவுஸ்ரேலியாவில் ஒரு இலங்கையரும், இங்கிலாந்தில் 02 இலங்கையர்களும், சுவிட்சர்லாந்தில் ஒருவரும் உயிரிழந்தமை குறிப்பிடத்தக்கது.

April 07, 2020

இலங்கையில் கொரோனா 6ஆவது மரணம் பதிவானது!


கொரோனா தொற்றுக்குள்ளாகி, IDH வைத்தியசாலையில் சிகிச்சைப் பெற்று வந்த 80 வயதுடைய நபரொருவர், சற்று முன்னர் உயிரிழந்துள்ளார்.

இவருடன், இலங்கையில் கொரோனா தொற்றுக்குள்ளாகி உயிரிழந்தவர்களின் எண்ணிக்கை, 6ஆக உயர்ந்துள்ளது.
April 07, 2020

தகவல்களை மறைத்த கொரோனா தொற்றாளர்! வைத்தியர்கள் உள்ளிட்டவர்களுக்கு ஏற்பட்ட நிலை!


மஹரகம புற்றுநோய் வைத்தியசாலையில் சிகிச்சைகளுக்காகத் தகவல்களை மறைத்து சேர்க்கப்பட்டிருந்த ஒருவர் கொரோனா வைரஸ் தொற்றுடன் அடையாளம் காணப்பட்டுள்ளார்.

கொழும்பு, ஒருகொடவத்தைப் பகுதியைச் சேர்ந்த குறித்த நபர் ஒருவர், சந்தேகத்தின் பேரில் அங்கிருந்து ஹோமாகம வைத்தியசாலைக்கு மாற்றப்பட்ட பின்னர் கொரோனா தொற்றாளராக அடையாளம் இனங்காணப்பட்டுள்ளார்.

இதனையடுத்து மஹரகம புற்றுநோய் வைத்தியசாலையின் 4 வைத்தியர்கள் உட்பட 15 பேர் தனிமைப்படுத்தப்பட்டுள்ளனர் என்று குறித்த வைத்தியசாலையின் பணிப்பாளர் விசேட வைத்திய நிபுணர் வசந்த திஸாநாயக்க தெரிவித்தார்.

இதேவேளை, உலகில் மிக வேகமாக பரவி வரும் கொரோனா வைரஸ் தொற்றினால் இது வரையில், 13 லட்சத்துக்கும் மேற்பட்ட மக்கள் பாதிக்கப்பட்டுள்ளதுடன், 74 ஆயிரம் பேர் வரையில் உயிரிழந்துள்ளனர்.

இலங்கையிலும், 178 பேர் கொரோனா வைரஸ் தொற்றினால் பாதிக்கப்பட்டுள்ள நிலையில், ஐந்து பேர் உயிரிழந்துள்ளனர். யாழ்ப்பாணத்தில் ஏழு பேர் கொரோனா தொற்றினால் பாதிக்கப்பட்டுள்ளமை குறிப்பிடத்தக்கது.

April 07, 2020

கண்டுபிடிக்கப்பட்டது கொரோனாவின் “வீக் பொய்ண்ட்” - அமெரிக்க ஆய்வாளர்கள் தகவல்!


கொரோனா வைரஸின் உடலில், மருந்துகளால் எளிதில் தாக்கப்படுவதற்கேற்ற ஒரு பகுதியை அறிவியலாளர்கள் கண்டுபிடித்துள்ளனர்.

இது கொரோனா வைரஸின் “வீக் பொய்ண்ட்” என அமெரிக்க ஆய்வாளர்கள் தெரிவித்துள்ளனர்.

இது தொடர்பில் தெரியவருவதாவது,

SARS நோயால் பாதிக்கப்பட்டிருந்த நோயாளி ஒருவரின் உடலை ஆராய்ந்த அறிவியலாளர்கள், அவரது உடல் SARS நோய்க்கு எதிராக உருவாக்கியிருந்த ஒரு ஆன்டிபாடியை ட்ராக் செய்தபோது, அது SARS வைரஸின் ஒரு குறிப்பிட்ட பகுதி வழியாக உள்நுழைவதைக் கண்டறிந்தனர்.

அதேபோல் அந்த ஆன்டிபாடி கொரோனா வைரஸ் உடலில் எந்த பகுதியில் சென்று இருக்கின்றது என்பதையும் அந்த அறிவியலாளர்கள் கண்டறிந்தார்கள்.

இதேபோல் அந்த ஆன்டிபாடியை கொரோனா வைரஸ் மீதும் செலுத்திப்பார்த்துள்ளனர்.

அப்போது அது கொரோனா வைரஸ் மீது அமராவிட்டாலும், கொரோனா வைரஸின் உடலில் எந்தப் பகுதி வலிமையற்றதாக இருக்கிறது என்பதை கண்டுபிடிக்க அது உதவியது.

இந்த கண்டுபிடிப்பு, கொரோனா வைரஸின் உடலில் எந்த பகுதியை மருந்துகள் கொண்டு தாக்கலாம் என்பதை அறிய உதவியுள்ளது.

அந்த பகுதிதான் கொரோனா வைரஸின் ’வீக் பொய்ண்ட்’ என்று கூறலாம் என்கிறார் Dr Ian Wilson என்ற ஆய்வாளர்.

இந்த கண்டுபிடிப்பு, கொரோனா வைரஸின் உடல் அமைப்பைக் கண்டுபிடிக்கவும் உதவியுள்ளதால், அதன் மூலம், கொரோனாவுக்கான தடுப்பூசியை வடிவமைக்கவும் அது உதவும் என ஆய்வாளர்கள் கருதுகிறார்கள்.

April 07, 2020

தேநீர் கொரோனவிற்கு மருந்தா? இலங்கை அரசாங்கத்தின் புதிய கண்டுபிடிப்பு!


தேநீரை தினமும் மூன்று வேளை அருந்தினால் கொரோனா வைரஸ் உட்பட வைரஸ் தொற்றுக்களிலிருந்து தப்பித்துக்கொள்ள முடியும் என்று இலங்கை அரசாங்கத்தின் அமைச்சரவையின் இணை பேச்சாளரான மருத்துவர் ரமேஸ் பத்திரண அறிவித்துள்ளார்.

தற்போதைய நெருக்கடிமிக்க சூழலில் இலங்கையின் தேயிலை ஏற்றுமதியை முதற்தடவையாக இணையத்தின் ஊடாக தேயிலை ஏலத்தை நடத்துவதற்கான ஏற்பாடுகளும் மேற்கொள்ளப்பட்டுள்ளதாக ராஜபக்ச அரசாங்கத்தின் பெருந்தோட்டத்துறை அமைச்சர் ரமேஷ் பத்திரன தெரிவித்துள்ளார்.

உலக நாடுகளில் மட்டுமன்றி இலங்கையிலும் பெரும் தாக்கத்தை ஏற்படுத்தியுள்ள (கொவிட்-19) கொரோனா வைரஸிற்கு தடுப்பு மருந்துகளைக் கண்டுபிடிக்கும் தீவிர முயற்சிகளில் மருத்துவ ஆராய்ச்சியாளர்களும், விஞ்ஞானிகளும் தொடர்ந்தும் ஈடுபட்டுள்ளனர்.

இந்த நிலையில் கொழும்பில் இன்றைய தினம் இடம்பெற்ற ஊடகவியலாளர் சந்திப்பில் கலந்துகொண்ட ராஜபக்ச அரசாங்கத்தின் பெருந்தோட்டத்துறை அமைச்சரும், அமைச்சரவையின் இணை பேச்சாளருமான ரமேஸ் பத்திரண,இலங்கையின் தேயிலையைக் கொண்டு தயாரிக்கப்படும் தேநீரை தினமும் மூன்றுவேளை பருகினால் வைரஸ் தாக்குதலில் இருந்து பாதுகாத்துக்கொள்ள முடியும் என்று புதிய கண்டுபிடிப்பொன்றை தெரியப்படுத்தினார்.

இது தொடர்பாக கருத்து தெரிவித்த ரமேஸ் பத்திரன :”இலங்கையின் வரலாற்றில் முதன் முறையாக சுமார் 137 வருடங்களுக்குப் பின்னர் இலங்கையின் தேயிலைத் தோட்ட உரிமையாளர்கள் சங்கம் தேயிலை ஏலத்தினை இணையதளமூடாக மேற்கொள்ள தீர்மானித்திருக்கிறது.

இது மிகச் சிறந்த வெற்றியாகும். எனவே பெருந்தோட்டத் தொழிலாளர்கள் தமது உற்பத்தி தொடர்பில் வீண் அச்சம் கொள்ளத்தேவையில்லை. மேலும் உலக சந்தையில் இறப்பர் உற்பத்திக்கான கேள்வி அதிகரித்துள்ளது. இறப்பர் உற்பத்தியில் ஈடுபடும் பிரதான நாடுகளில் ஒன்றாக இலங்கை காணப்படுகிறது.

எனவே நாட்டில் இறப்பர் உற்பத்திகளை ஊக்குவிப்பதன் மூலம் நாம் சிறந்த பலன்களைப் பெற்றுக் கொள்ள முடியும். அதேவேளை இலங்கையின் தேயிலை கலந்த பிளக் டீ என்கிற தேநீரை தினமும் மூன்று அல்லது நான்கு வேளை பருகினால் வைரஸ் தாக்குதல்களிலிருந்து பாதுகாத்துக் கொள்ள முடியும்.

பால் கலக்காத தேநீரைப் பருகுவதால் உடலில் நோய் எதிர்ப்பு சக்தி அதிகரிக்கும் திறன் ஏற்படுகின்றது. அதனால் நிமோனியா,இன்புளுன்ஸா மாத்திரமன்றி கொவ19 வைரஸிடம் இருந்தும் பாதுகாத்துக்கொள்ள முடியும்” என்று தெரிவித்தார்.

Monday, April 6, 2020

April 06, 2020

கொரோனாவுக்கு மருந்து: ட்ரம்ப் வருத்தம்!


நேற்று செய்தியாளர்களைச் சந்தித்த அமெரிக்க ஜனாதிபதி ட்ரம்ப், 'கொரோனாவுக்கு மருந்து கண்டுபிடிப்பதில் அமெரிக்கா மிகவும் பின்தங்கிய நிலையில்தான் இருக்கிறது. பார்க்கலாம்' என்றார்.

மேலும் தனது டுவிட்டர் பக்கத்தில், 'நாம் நமது கண்ணுக்குத் தெரியாத எதிரி குறித்து அறிந்து வருகிறோம். அது கடினமானதாகவும் ஸ்மார்ட்டாகவும் இருக்கிறது. ஆனால், நாம் மிகக் கடினமானவர்கள். மேலும், அதை விடவும் ஸ்மார்ட்டானவர்கள்' எனப் பதிவிட்டுள்ளார்.

'கொரோனா வைரஸ் விவகாரத்தில் சீனாவை குறை சொல்வதில் காட்டிய கவனத்தில், நூற்றில் ஒரு பங்கு கூட, அதைத் தடுக்கும் நடவடிக்கைகளில் காட்டவில்லை' என, பலரும் அமெரிக்க ஜனாதிபதி ட்ரம்ப்பை விமர்சித்து வருகின்றனர். 

அரசின் மெத்தனத்தால், அமெரிக்காவில் கொரோனா வைரசால் ஒரு இலட்சம் முதல் 2.4 இலட்சம் வரை உயிரிழப்புகள் நிகழலாம் என, அஞ்சப்படுகிறது.