Breaking

Friday, April 26, 2019

காஞ்சனா 3 பட நடிகைக்கு பாலியல் தொல்லை கொடுத்த கலைஞர்!


காஞ்சனா 3 பட நடிகைக்கு பாலியல் தொல்லை கொடுத்த புகைப்படக் கலைஞர் கைது செய்யப்பட்டுள்ளார்.

ராகவா லாரன்ஸ் தயாரித்து, இயக்கி, நடித்த காஞ்சனா 3 படம் வெற்றிகரமாக ஓடிக் கொண்டிருக்கிறது. அந்த படத்தில் ராகவா லாரன்ஸின் காதலியாக நடித்தவர் ரஷ்யாவை சேர்ந்த ரி ஜாவி அலெக்சாண்ட்ரா.

சென்னையில் தங்கி சினிமாவில் கவனம் செலுத்தி வரும் அவருக்கு பாலியல் தொல்லை

புகைப்படக் கலைஞரும், மாடலுமான ருபேஷ் குமார் என்பவர் ரி ஜாவியை பப் ஒன்றில் சந்தித்துள்ளார். பட வாய்ப்பு வாங்கித் தருகிறேன் போட்டோஷூட்டுக்கு வாங்க என்று ருபேஷ் ரி ஜாவியை அழைத்துள்ளார்.

போட்டோஷூட்டின் போது ருபேஷ் ரி ஜாவியை போஸ் கொடுக்க வைக்கிறேன் என்ற பெயரில் நெருங்கி புகைப்படம் எடுத்துள்ளார். பின்னர் அவர் ரி ஜாவியை படுக்கைக்கு அழைத்துள்ளார். படுக்கைக்கு வராவிட்டால் உங்கள் புகைப்படங்களை மார்பிங் செய்து சமூக வலைதளத்தில் வெளியிடுவேன் என்று மிரட்டியுள்ளார்.

ருபேஷின் தொல்லையை தாங்க முடியாத ரி ஜாவி சென்னை போலீஸ் கமிஷனர் அலுவலகத்தில் புகார் அளித்தார். விசாரணையில் ரி ஜாவி தெரிவித்தது உண்மை என்பது தெரிய வந்தது. இதையடுத்து போலீசார் வழக்குப்பதிவு செய்து ருபேஷை கைது செய்தனர். ருபேஷ் தற்போது புழல் சிறையில் உள்ளார்.

தமிழ் திரையுலகை சேர்ந்த உதவி இயக்குநர் கார்த்திக் பட வாய்ப்புக்காக தன்னை படுக்கைக்கு அழைத்ததாக மலையாள நடிகை சஜிதா மாடத்தில் தெரிவித்தார். இந்நிலையில் ரஷ்ய நடிக்கைக்கும் அதே பிரச்சனை ஏற்பட்டுள்ளது.