Breaking

Monday, May 20, 2019

ரிசாட் பதியுதீனுக்கு எதிரான நம்பிக்கையில்லா பிரேரணை! கூட்டமைப்பின் இறுதி தீர்மானம் வெளியானது!


ரிசாட்டிற்கு பதியுதீனுக்கு எதிரான பிரேரணையை தமிழ் தேசிய கூட்டமைப்பு ஆதரிக்காது என தமிழ் தேசிய கூட்டமைப்பின் தலைவர் இரா.சம்பந்தன் வாக்குறுதியளித்துள்ளார்.

இரா.சம்பந்தனை அமைச்சர் ரிசாட் பதியுதீன் தொலைபேசியில் தொடர்பு கொண்டு பேசிய போதே குறித்த வாக்குறுதியை சம்பந்தன் அளித்துள்ளதாக உறுதிப்படுத்தப்பட்ட தகவல்கள் வெளியாகியுள்ளன.

ரிசாடிற்கு எதிராக எதிரணியினரால் நம்பிக்கையில்லா பிரேரணை சமர்ப்பித்துள்ளது.

இதையடுத்து, தனக்கு ஆதரவு திரட்டி ரிசாட் பதியுதீன் சிறுபான்மைக் கட்சிகள் அனைத்துடனும் தொலைபேசியில் தொடர்பு கொண்டு பேசி வருகின்றார். இதன்படி, கூட்டமைப்பின் தலைவருடனும் தொலைபேசியில் பேசினார்.

இதன்போது, இரா.சம்பந்தன் பதிலளிக்கும்போது,

ஒரு சிறுபான்மைக் கட்சியொன்றின் மீது கொண்டு வரப்பட்டுள்ள நம்பிக்கையில்லா பிரேரணையை நாங்கள் ஒருபோதும் ஆதரிக்கப் போவதில்லை.

கட்சிக்குள் பல்வேறு அபிப்பிராயங்கள் இருந்தாலும், நாங்கள் அந்த பிரேரணையை ஆதரிக்கப் போவதில்லை என அழுத்தம் திருத்தமாக வாக்குறுதியளித்துள்ளார்.