இலங்கையில் அனைத்து அரச பாடசாலை மாணவர்களுக்கும் அடுத்த வாரத்தில் விடுமுறை!

மாணவர்களுக்கும் அடுத்த வாரத்தில் விடுமுறை..

நாட்டில் அடுத்த வாரம் நடைபெறவுள்ள பொதுத்தேர்தலினை முன்னிட்டு  இலங்கையில் அனைத்து அரச பாடசாலைகளுக்கும் 4 நாட்களுக்கு விடுமுறை வழங்க தீர்மானிக்கப்பட்டுள்ளது.

கல்வி அமைச்சில் இன்றையதினம் இடம்பெற்ற ஊடக சந்திப்பில் வைத்து கல்வி அமைச்சர் டலஸ் அழகப்பெரும இந்த தகவலினை அறிவித்துள்ளார்.

அந்த வகையில், எதிர்வரும் ஆகஸ்ட் மாதம் 4, 5, 6 மற்றும் 7ஆம் திகதி வரை பாடசாலைகளை மூட தீர்மானம் எடுக்கப்பட்டுள்ளது.

இலங்கையில் அனைத்து பாடசாலைகளும் 11, 12, 13ஆம் தர மாணவர்களின் கல்வி நடவடிக்கைகளுக்காக கடந்த 27ஆம் திகதி மீண்டும் திறக்கப்பட்டது.

ஏனைய தர மாணவர்களுக்கான கல்வி நடவடிக்கைகள் எதிர்வரும் ஆகஸ்ட் மாதம் பத்தாம் திகதி ஆரம்பமாகும் என கல்வி அமைச்சு அறிவித்துள்ளது.

இவ்வாறான சந்தர்ப்பத்தில் கற்றல் நடவடிக்கைகள் ஆரம்பிக்கப்பட்டுள்ள 11, 12, 13ஆம் தர மாணவர்களுக்கே தேர்தலை முன்னிட்டு வழங்கப்படும் விடுமுறை உரியது என தெரிவிக்கப்பட்டுள்ளது .